|
Vendimmarrja e qytetarëve
Vendimmarrja e qytetarëve është e mbështetur edhe më ligjet të ndryshme në fuqi. Derisa vendimmarrja ne nivel lokal është e garantuar dhe stimuluar nga ligji për vetëqeverisje lokale.
Të nderuar qytetar merrni pjesë në vendimmarrje. Çdo vendim qe merret nga institucionet Komunal prek jetën tuaj. Mbroni interesin tuaj.
Merrni pjesë në mbledhjet e Komunës me qytetarë:
Çdo komunë mban periodikisht, së paku dy herë në vit, takime publike në të cilat mund të marrë pjesë secili person apo organizatë me interes në komunë. Data dhe vendi i takimit publikohet së paku dy javë përpara. Njëra nga mbledhjet mbahet gjatë gjashtë muajve të parë të vitit. (68.1)
Kërkoni qasje në dokumente zyrtare:
Çdo person mund të kontrollojë çfarëdo dokumenti që mbahet nga komuna, përveç nëse zbulimi i tillë nuk është i ndaluar sipas Ligjit mbi qasjen në dokumentet zyrtare.(68.5)
Organizoni Peticion:
Çdo person apo organizatë me interes në komunë ka të drejtën e prezantimit të peticionit në kuvendin e komunës për çfarëdo çështje lidhur më përgjegjësitë dhe kompetencat e komunës. Kuvendi i komunës shqyrton peticionin në pajtim më statutin dhe rregulloren e punës.(69)
Propozoni rregullore ose iniciativa:
Qytetarët mund të marrin iniciativë për të propozuar rregullore, brenda kompetencave të komunës, për miratim nga kuvendi apo me votën e qytetarëve, në pajtim me ligjin në zbatim.(70.1)
Merrni pjesë në punët e Komiteteve:
Kuvendi i komunës themelon komitete këshillëdhënëse sektoriale me qëllim të pjesëmarrjes së qytetarëve në procesin e vendimmarrjes.(73.1)
Merrni pjesë në takimet e Komunës:
Takimet e kuvendit të komunës dhe të gjitha komisioneve të tij janë të hapura për opinion. Anëtarëve të publikut u lejohet pjesëmarrja në takime të kuvendit të komunës, ashtu siç është paraparë në Rregulloren e punës
|
